admin

客家小学生介日记,一定也有你的回忆!

  作者:兴宁纵横融通贷款 行业新闻 2018-05-24 23浏览


今日系星期六日,冇读书,舒服死嘞。但还系唔敢睡懒尸目,惊奔阿妈骂,七早八早就项起来嘞。
涯洗完面,就去屎缸讴堆屎,阿妈就在灶头门口喊涯好食朝嘞。大锅头度系萝卜焖饭,涯装了满满一大碗,碗都奔涯shei诶去即净,肚屎差滴撑爆嘞。
食完朝,阿妈话佢爱上山捡柴,阿爸话佢爱上街卖研菜,喊涯自家屋卡料。
涯串起一双拖鞋,马上跑去寻涯诶小伙伴狗估。
涯行到狗估屋门口,看倒狗估在水圳边搞水。涯偷偷摸摸诶行过去,一脚板古踹过去,佢扑声下跌落圳度,搞诶佢下半身哒啦湿。
狗估喊了一句"浪人子!",爬上来想打涯,最尾搞诶涯两只人在田唇边搞黄泥。就在诶个时候,涯兜人突然发现前面石堆边有条蛇哥正在食蟾蜍婆,蟾蜍婆疾诶呱啦呱啦叫,看去十分作恶!涯捡起一块石头,远远就向蛇哥啵过去,吓诶蛇哥把蟾蜍婆呕出来,一下就飙到草堆度嘞。狗估想跑过去打蛇,结果一脚莫踩好,一滑跌诶田度去嘞。搞的狗估坐到田边就开始喔嘴!净命喔~~今日朝纯,狗估硬是把我笑得萝卜都爱呕出来嘞!
啊!真系一只难忘诶朝纯啊!